30 Ezɨ Iesus kamaghɨn akam ikara, "Akar ia datɨrɨghɨn oraghazir kam, a nan akurvaghasa izezir puvatɨ. A ian akurvaghasa ize. 31 Datɨrɨghɨn God nguazir kamɨn gumazamizibar araziba tuisɨgham. Egh nguazir kam gativazir gumazir dapanim Satan a batuegham. 32 Datɨrɨghɨn kɨ nguazimɨn iti, ezɨ gɨn me na fegh ter ighuvimɨn na aguragham, eghtɨ dughiar kamɨn kɨ gumazamiziba bar me damutɨ me na bagh izam."*(12:32) Iesus ghaze, "Gumaziba na fegh ter ighuvimɨn na aguragham." Tuavir kamra, God a feghtɨ an an Nguibamɨn mangɨ, egh bar pɨn ikiam. Nɨ Filipai 2:9-11ɨn gan.