1 <<La̱na̱, kanna ki ta̱ lo a̱ kuta̱wa̱, ka na aza a ugbamukaci n aza a gbani-gbani ra̱ka̱ a̱ kula̱ an ciꞋiwa̱, a kanna ka nanlo i ta̱ a̱ kukula̱ gbende ko ili ya kubuwa ba, mpa Vuzavaguɗu MalaꞋimili n dansai. 2 Ama a̱ɗa̱ na yi o kutono mu, utsura u wishi u va̱ wi ta̱ a̱ kuta̱wa̱ ɗa̱ tsu kanna. Wi ta̱ o kupotsotongu ɗa̱ tsu kutashi ku kanna. Yi ta̱ a̱ ku uta̱ i ka̱na̱ ma̱za̱nga̱ tsu ndendem n na a shikpai ushiga.