Mateus 9

2 Fi ka le bɛniiŋ bamu tɛ̀ bɛ bɛ wi wumu ɛ ŋgwɛ kɔɔ wu, ɛ be too wu fɛ kida-aŋ. Jiso ŋɛŋ si bɛniiŋ bɛlu gɛɛ shéŋ li wuu, tee li wi wu ŋgwɛ tɛ̀ kɔɔ wɛɛ le, "Ŋwanɛŋ, kɛmɛ shéŋ. Mi mfeekɔɔ bibifi bio." 3 Fi ka le bɛniiŋ bamu bɛ doonchi bɛnchi bɛ Nyɔ-ɔ tɛ̀ bɛchi be ŋuŋini bebe be tiiti le, "Wi wuni dzetɔɔ kintsii ki Nyɔ-ɔ." 4 Jiso kɛɛ fiee fi be tɛ̀ beechi, bii li bee laa, "Nɛ kɛmi bɛ mbeechɛ bɛ bifi li shéŋ yinɛ ni kii la? 5 Fiee fi nuuŋ tsɛkɛ li ntefu nuuŋ fi la? Ntefu li wi wuni le mi mfeekɔɔ bibifi biee, mɔɔ le dza we ɔ ni ɔ deŋgi le? 6 Se nuuŋ le, ŋgii mfɛ nɛ kɛɛ le Ŋwanɛwi kɛmi buŋga laaŋkwiiŋ bu fekisɛ bibifi." Le tee lɛ, biee tee li wi wu ŋgwɛ tɛ̀ kɔɔ wɛɛ le, "Dza we, ɔ dzɔɔ kidaŋ ko ɔ ni ɔ giiŋgi li yih." 7 Mwɛ se dza giiŋgi fɛkuuŋ.