13 Haanssun tameellan arri hunna kadiina awodayiin goggodanddeetanunna kaɂameen dubbana gudisiddeene ataayi aallin goggodanddeetanun kawaa huu kajereene dubba abayeen.

14 Goortta rummi zinnaara aani mooɂootisin mowayeeddeene, k’ullumma laala aani sarssayenddeene,✝ 15 kanogoddaa wongala keferro aani luk’k’aɂoottisinii tabssayeenddeen ekkaasayen aallaa.✝ 16 Hikka dubbakkona eleen aani baldabalda taɂamatto tadurrisa dukutto dubba baasin kakkodaanddetaan ammano wontte aani k’eenffayeen. 17 Fayyinna tamete gulle aani metekisinii kaayen; usumaleenna Ayyaana K’ulluukikko kahelamaro shiifa usuna haafura kawaa abayeen.✝ 18 Arggetto Ayyaana K’ulluukki k’ajeelaa ebina galata sisa. Hikka garaayinna Waa kak’ullooyisero ibaaddo maraan nabbaadaddeenna ataayeenddeen ebaayen.