João 11

ጎይ ካአላዛር

1 ካማይራመና አባትሴክ ካማርታ ማማን ብታንያይ ካግረ አላዛር ሀዉኣማ ግረ። 2 ህት አቢክሰ አላዛር ታኮን ሀዉኣማረ ማይራመ፥ ጎታ ጉት ሽቶ ክብተደ ሉክቴሳ መተክሴይ ታሻካራተታ። 3 አባላል ላማ፥ "ጎታ፤ አት ካጌላታ እባዶት ሀዉኣማራ" አመን ሀንዳ ፋረን።

4 የሱሳ ሂካ ካኮማላረ ጎራታ፥ "ሂክ ሀዉኣም ኤረ ካዋ ኡሱ ጎጎካባጃምሮና ካባጃ ታዋዉንያ ኳሬ ጎይን ካጌግስሮ ላኮዮ" አመ።

5 የሱሳና ማርታና፥ አባትሴ ማይራመና አብክሶ አላዛር ጌላታ ግረ። 6 ጎሌና ካአላዛር ሀዉኣማኖ ማለ ግራን ታኮግረ ባንኤ አርት ላማ ሀየ። 7 ኤሰኮ አባባተረ ኡሱኮ ኦአጋልሳታራነ "ኡል ካይሁዳ ቶስ አባባና" አመ።

8 ኡሱኮ ኦአጋልሳታራና፥ "ካአጋልስሳቶ፥ አሪ ትጫርኮ ሆረነ አይሁድ ኩ ኤኤሞ ኤጊን ዶታ ግረ፥ አደና ኤሰራ ሴይናታ?" አመን።

9 የሱሳና "አሪ ቶ ላ ሳቲ ቶሞንኮ ላማቶላ? ሂካ አላምኮክ ኢፋኮ ካከይ ማንኮድያሮ ማራን አሪ ካሰሰታራ ላኮሀንዱዱፋታሮ። 10 ካሀንዱዱፋታራና አደ ሄመን ካሰሴታሮያ፥ ኣላንቲና ኢፋ ላኮአቦ አመ አባበ።" 11 ሂካ ሰገ አባባተረ፥ "ኖ ካጌላታና አላዛር ሁዱረራ፥ አንና ሁዱሮኮ ኡሱ ኬስን ሴይናራ" አመ።*11፡11 ድሞሳ፦ ላኩ አማኖያ። 12 የሱሳኮ ኦአጋልሳታረን "ጎታ! ጎሁዱረሮ ፋይሮዋ" አመን። 13 የሱሳ ሂካ ካኮሴገራ ካአላዛር ጎይኮክ ጋራየ፥ ኡሱኮ ኦአጋልሳታረን አደን ሁዱራኖኮክ ጋራ ካአዬሰሮ ኣን ሌራ። 14 ሃንሱን የሱሳ አዴስሰ፥ "አላዛር ጎየራ።