17 ኡሱና ማስቃሊቴሳ ስዳተረ ታአራማይክ ሄኢ "ጎልጎታ" አማንተ ታኡማማቶ "ቡቀ ታመተ" ታአማማተ ባንኤ ቤ። 18 ኤሴና ሱዬን፥ ኡሱ ዎታና እባዶ ላማ፥ ኮ ምና ታበተነ፥ ኮና ምና ታመርጌነ፥ የሱሳ ጠኤ የሌነ ሱዬን። 19 ጲላጦሳና ጹፍ ጻፈረ ማስቃሊ ጉት ሬረሰ፤ ጹፍና፥ ካናዝረት የሱሳ፥ ካአይሁድ ዎኖ ታአማቶተ።
23 ዎታዳራል የሱሳ ሱዬን አባባተን፥ ቆሎኬሳ ሄሳ፥ ሁኬሳ አቴረን መተመተዉን ኮ ኮ ጎጎገገሮን በንኤ አፋር ሄዴዳመን፥ ኤለኮ ታ ሄገል ጌቶን አማለኮ ሌተ ሀኢሪራሞን ታፈላንተታ። 24 ሃንሱን፥ "እጣ ቤሳይነ ካኮንቤተ ሀጌተ" ኳሬ "ላኮፊልኖ" አመን። ህክና ካኮንሌራ
"ሁኬ ሄዴዳመን፥
ቆሎና ኢጣ ቤሳተን"
ካአማመራ ካማጻፋ ሃፉራ ጎጎጉዳሮንያ። ዎታዳራልና ካፌለራን ሂካዋያ።19፡24 ማዛ. 22፡18።
25 ታየሱሳ ማስቃሊ ዶሌ ኣየቴሳና ኣየቴሳኮት አባ፥ ታቀልዮጳ ኦር ማይራመና ኡል ካመግደላኮት ማይራመ ኤሰ አሌን ግረን። 26 ኤሴና የሱሳ ኣየቴሳና ካጌላታረ ኡሱኮ ካአጋልሳታረ ዶሌ አሌን ግራን ካኮድያረ ጎራታ ኣየቴሳነ፥ "አት ሄለልትቲ፥ ኤረካ ሂክማ" አመ።
27 ኡሱኮ ካአጋልሳታረነ፥ "ኣየታ ህትማ" አመ። ኡሱ ጎራታኮ ሀጋአበረ ሂክ ኡሱኮ ካአጋልሳታረ ምንኬሳ ቶስ አታተ።
ጎይ ካየሱሳ
(ማቶ. 27፡48-50፤ ማር. 15፡36-37፤ ሉቃ. 23፡36)
28 ኤሰኮ የሱሳ አየስ ዱባ ጉዳታኖ አዴሰረ፥ ካማጻፋ ሃፉራ ጎጎጉዳሮ፥ "አን ሱጉባየዋ!" አመ።19፡28 ማዛ. 69፡21፤ 22፡15።
29 ኤሴና ታኦኮካታ ዎይኒ ሁቡቾ ምግ ሌተ ግቴ፥ እሶና እስፎንጅ ጣሞ ካዎይኒቲ ጡቅሴነ፥ ኦጎሮ ካአቦ ባሊ ህኢ ቶስ ጋባሌን። 30 የሱሳና ካኦኮኮታሮ ካኮቃማሳረ ጎራታ "ጉዳተዋ" አመ።
መተኬሳ ሁስሳተረ፥ ኔፎቴሳ ሮርሰ ስሰ።