1 ኤሰኮና ዳንበኔ የሱሳ ታጢብራዶስ ላቡ አደና ኡሱኮ ኦአጋልሳታሬዉን ሙተ፥ ሂካማሌና አደ ሙተ። 2 ስሞና ካአማማረ ጴጢሮሳ፥ ዲዲሞሳ ካአማማረ ቶማሳ፥ ካቃና ዘጋሊላ ናትናኤል፥ ይስ ካዛብዶሳና የሱሳኮ ኦአጋልሳታረን ኦካለ ላማ ራቶ ግኔን። 3 ስሞና ካአማማረ ጴጢሮሳና፥ "ኩኑኡብ አባይን ዳጋኖያ" አመ።✝21፡3 ሉቃ. 5፡5።

እሶና፥ "ኖ ኩኔ ዎታ ዳግናና" አመን። ኤሜተነ ዎላቦ ኦርዴን ታቤን፥ ኤሰ ሄመን አደን ኮና ላኮአባተን። 4 ባሪኖ፥ የሱሳ ላቡ ግሪ አሌ ግረ፥ ኡሱኮ ኦአጋልሳታረን አደን የሱሳ ላኖ ላኮአዴሰን። 5 የሱሳና፥ "ይሶ፥ ኩኑኡብ አብታነ?" አመ።

እሶና፥ ኮና "ላኮአብኖ" አመን።

6 ኡሱና፥ "ማራብትስን ዎላቦኮ ምና ታመርገነ ሉጉዳዬን፥ ኩኑኡብ ሄላታንዋ" አመ። እሶና ካኮሉጉዳታሬን ጎራታ ኩኑኡብ ሞጋንኮ ካከይ ማራብ ናትን ዋተን።✝21፡6 ሉቃ. 5፡6።

7 ሀሱ ጎራታ የሱሳ ካጌላታረ ኡሱኮ ካአጋልሳታረ፥ ጴጢሮሳነ፥ "ጎታዮ!" አመ። ስሞና ጴጢሮሳና፥ "ጎታዮላ!" ካአማሮ ሃፉራ ካኮማላረ ጎራታ፥ ቤሳተ ካግረ ሳርስ ታብሳተረ ፍርመ በከሮ ታበ። 8 ኦካለ የሱሳኮ ኦአጋልሳታረን አደን ባጋኮ ባድ ቶስ ፋክካሜራን ህስል ላማ ቦሌ ካሌሮ ኳሬ ኣሎ ላኮፋክሜናን፥ ኩኑኡብ ታኮአማጋመረ ማራብ ናታ ባጋ ኤመተን። 9 ባጋና ካኮግያኔ ጎራታ፥ ቦላል ካኤሌኔ ጉት ካግሮ ኩንኡብና ባቦ ዴን። 10 የሱሳና፥ "ግዳ ካአብቴታን ኩኑኡብኮ አላ ኬና" አመ።

11 ሃንሱን ስሞና ካአማመረ ጴጢሮሳ ዎላቦ ታበረ ማራብ ባጋ ቶስ ናቴ፥ 153 ካጅንጂን ኩኑኡብ አማጋመ ግረ፥ ሂካ ግታክ ኩኑኡብ ጎአብተና ማራብ ላኮፊላንተቶ። 12 የሱሳና "ኮዬን አማ" አመ። እሶና ኡሱ ጎታ ላኖ አዴሰን ማንኮግሬን ማራን ኡሱኮ ኦአጋልሳታረንኮ ኮና "አት አዮታ?" አም ሆሳይን ካጃባተ ላግረ። 13 የሱሳና ኤመተረ ባቦና ኩንኡብና ኣተ ስሰ።

14 የሱሳ ጎይኮ ጎኬኮ አባባተረ ኡሱኮ ኦአጋልሳታራዉን ሙታኖ ሂክ ካሴድየ።

15 ዎዳና ኦዋተን ካኮአባባታሬን ጎራታ፥ የሱሳ ስሞና ካአማመረ ጴጢሮሳነ፥ "ኤረ ካዮና ስሞና!፥ ህናኣኮ ሮርሰ እን ጌላታ?" አመ። ኡሱና "እ ጎታክ!፥ ጌላታኖኬ አትታ ካሳ" አመ። የሱሳና "ጭባርኬ ፎፍ" አመ። 16 የሱሳና ካላም፥ "ኤረ ካዮና፥ ስሞና፥ ሩምና እን ጌላታ?" አመ። ኡሱና፥ "እ፥ ጎታክ፥ አን ኩ ጌላታኖ አትታ ካሳ" አመ። የሱሳና፥ "ጮዴልኬ ኦር" አመ። 17 ጎራታ ካሴድና፥ "ኤረ ካዮና፥ ስሞና፤ እን ጌላታ?" አመ። ጴጢሮሳና ጎራታ ካሴድ የሱሳ፥ "እን ጌላታ?" አመ ማንኮሆሳተዉን ጋዳ ታበረ "ጎታ አት ዱባ ካሶዋ ጎጎጌላታሮና ካሶዋ" አመ። የሱሳና፥ "እዳድኬ ፎፍ አመ። 18 አን ሩምና ሩምና አማራ፥ አት ዎዳሉማ ግራን ሳርስካ እሲ ታብሳተደ ማንኮጌላተ ሴታ ግቴ፥ ጎጃሮንተ አድ ገነ ድሪርሳይናታ፥ እባዶ ካካለና ሁካ ታብስረ ሴይን ማንኮጌላኖን ጌስናራ።" 19 የሱሳ ሂካ ካኮን አመራ ጴጢሮሳ ምስክ ጎይ ዋ ካባጅን ዶትሳሮ ቱስንያ። ሂታኮ ዳንቤባን ጴጢሮሳነ፥ "እን ዴበ ሰሴና" አመ።

20 ጴጢሮሳ ሃራርቲ ጎዎችሮ፥ የሱሳ ጌላታ ካግረ ኡሱኮ ካአጋልሳታረ እሶ ዴበ ካሰሰታሮ ዴ፥ ሂክ ኡሱኮ ካአጋልሳታረ ኡሱ ጎራታ ክታ ካሄመነ አማ ግራን ጌግዮ ታየሱሳ ጋባላመረ፥ "ጎታ፥ ኩ ሮርስ ካስስናራ አዮያ?" አማ ካግረያ። 21 ጴጢሮሳና ኡሱ ካኮድያረ ጎራታ፥ "ጎታ! ሂክ እባዶት ምስ ልናራ?" አመ ሆሳተ።

22 የሱሳና፥ "አን ታአባባሮቲ ኔፎ ጎጎግሮ ጎዶታተ ዱዶ ኩ መካጢበ? አት መተካዉን እን ዴበ ሰሴና" አመ።

23 ሂካኮት ኣላንቲ ሂክ የሱሳኮ ካአጋልሳታረ ላኮጎሮ ታአማታ ኦዱ አማኒል ኦሮ ዳርኣንተ። የሱሳ አደ፥ አን "ታአባባሮ ጌግን ኔፎ ጎጎግሮ ጎዶታተ ኩ መካጢበ?" አመ ኳሬ ላኮጎይናሮ አመ ላኮሰጌሮ። 24 ሂካኮክ ጋራ ካአቶታራና ሂካ ካጻፈራ ሂካ የሱሳኮ ካአጋልሳታሮያ፥ አቶናትና ሩም ላኖ ኖ ካንሶዋ።

25 የሱሳ ካፈለራ ካካለ ካሞጋን አዬስጆል ካግራ፥ አየስ ዱባ ጎጻፋመ፥ ካጻፋመሮ ማጻፋ ዱባን አላም ታሌቶ ባንኤ ካአቦ ኣን ላኮላሮ።