Lucas 1

የሱሳኮክ ኡሙላማኖ ጣየ ሰጋመ

26 ኤልሳቤጥ ፋቶ ቶታተደ ድግኒ ታለይ፥ ዋ ኤርግቻት ጋብሬለ ጋሊላ ታግቴ ናዝረት ካታማ ቶስ ፋረ። 27 ካኮንፋራመረና ሳኒ ታዳዉተኮክ ዮሴፋ ካአማራን እባዶትን ታኤራንተተ ሙመት ዴለልትት ቶስየ፤ ሙመት ዴሌልትትኮክ መገና ማይራመየ። 28 ኤርግቻትና ኤሰ ታግቶ ባንኤ ቶስ ታበረ፥ "አት ስኖ ታኮአማጋንተታ፥ ኖጎዳ ኩን ሀሌቶ! ጎታ ኩኔ ዎታ ግራ፥ አትና ኣሎ ታሶማሳንተታ" አመ። 29 ማይራመና አዬስኬሳ ኣሎ ነይተደ፥ ህት ምስት ኖጎዳታ? አማ ቆፓኖ ሀጋአብተ። 30 ኤርግቻትና ኤሰነ ሃ አመ፥ "ማይራመ! አት ዋይ ዶሌ ጋሻና ሄላተታ አሮአብሳተ። 31 ሂክማ፥ ቶታይናታ፤ ኤረ ባባርትትና ኡሙልናታ፤ መገና የሱሳ አምናታ። 32 ኡሱና ካንጂንክ ልናራ፥ ዱባንኮ ጦክቅ ካአመ ኤረ ካዋና አማምናራ፤ ጎታ ሄዶና ኣቦኬሳክ ካዳዉተ ኮርፍንጀ ኡሱን ስስናራ። 33 ሳኒ ታያይቆባ ጉት ጅሩ ጅሮማን ሬድናራ፤ ዎኖናትኬሳ ጋቾ ላኮአቦ።"✝1፡33 2 ሳሜ. 7፡12-13፤ 16፤ ኢሳ. 9፡7። 34 ማይራመና ኤርግቻትነ፥ "አን ሙመት ዴለልትትያ ሂክ ምሲ ሊን ዳንዳራ?" አንተ። 35 ኤርግቻትና አባበ ኤሰነ ሃ አመ፤ "አያና ቁሉክ ኩ ጉት ዳግናራ፥ ዱባንኮ ጦክቅ ካአመ ሁና ካዋና ኩ ጉት ግርናራ፤ ሃንሱን ካኡሙላምናራ ይትት ቁሉክ ኤረ ካዋ አማምናራ። 36 ሂክማ፥ ፋልታታ ኤልሳቤጢና ዶኡማኦሮይ ኤረ ባባርትት ቶታተታ። ማሴና ታአማንተቴና ድግኒ ታለይ አብተታ፤ 37 ዋዉን ካሌኖን ላግሮ።" 38 ማይራመና፥ "አን ታጎታ ድይያ፤" "ሃፉራካክ ማለ ሀሌዎ" አንተ። ኤሰኮና ኤርግቻትና ኤሰኮ ካለቤ ሴተ።