Lucas 17

ባር ታማረኮ ካሙጭመሮ እባዶ ቶሞን

11 ኤሰኮ አባባተረ የሱሳ ኢየሩሳለም ቶስ ሴታ ግራን ምና ታሰማርያነና ታጋሊላ ማማንኮክ ሜሳነ ሮረ። 12 ማማን ኮ ቶስ ጎጎታቤ ማሪ ባር ኦአባናየን እባዶጃ ቶሞኖ የሱሳነ ዎታ ኤሰለ፥ እሶና ኤባ አሌረን፤ 13 ታአቲ ያየ፥ "ጎታ የሱሳ፥ ኖን ነኔኤይሳ!" አመን።

14 ኡሱና እሶ ካኮደያረ ጎራታ፥ "ሰዬንዴን እስኦትስን ቱቃሞሉን ቱሳዬን" አመ።

እሶና ኤሰራ ሴቶ ጉት ግራን ሙጭሜን።

15 እሶኮና ኮ ፋያኖኬሳ ካኮደያታረ ጎራታ ያየ ጦቂ ታአንቴ ዋ ካባጃ አባባተ። 16 ሉክ ታየሱሳ ጉት ሆረ ሆረ ኢየጉረ ጋላቴ፥ ሂክ እባዶትና ሳማራውትየ።

17 የሱሳና ሃ አመ ኡሱ ሆሳተ፤ "ካሙጭመረ እባዶ ላቶሞንየላ? ሀያ፥ ሳጋሎ ሀጌ ሴተ? 18 ሂካ ካሳማራው አላጋት ኳሬ አባባተረን ዋ ካጋላታራ ካካለ ላኮግሮ አማኖያ?" 19 እባዶትነና፥ "ኪጉደ ጋል፥ አማኖካ ኩ ፋይሰራ" አመ።