Mateus 15

ታካናአን ሄለልትቲኮክ አማኖ

21 የሱሳና ኤሰኮ ቤጉረ ጢሮስ ቶንሳ ስዶና ካአማማሮ ካካታማ ጎቦብ ቶስ ሴተ። 22 ካካናአን ኡልኮት ሄለልትቲ ቶ ኡሱ ማማንኮ ቤተጉደ የሱሳ ቶስ ኤመተዴ "ጎታ! ኤረ ካዳዉተ ኢን ነኔኤይሳና፥ ኤረት ባቲክ አያናይ አባንተጉደ ኣሎ አቦሳታ አንተ ኦኪተ።"

23 የሱሳ ጎአመን ሃፉራ ኮና ላኮአባበ፥ ሀሱ ጎራታ የሱሳኮ ኦአጋልሳታረን ኡሱ ቶስ ኤመተንጉረን "ህት ሄለልትቲ ኖ ዴበ ሰሴታ ኢያታ ኤሰ ጋልሰዋኢስ?" አመን ሆሳተን።

24 የሱሳና አባበረ፥ "አን ካኮንፋራመራ ምን ካእስራኤልኮ ካባየሮ እዳድጆል ካላሉንያ" አመ።

25 ሄለልትቲና ሉክቴሳ ጉት ኢተጉደ "ጎታ ኢን ጋርጋርና!" አንተ።

26 የሱሳና አባበረ፥ "ባቦ ካይስ ኣትጉረን ከሮሩን ሻፋኖ ላኮ ዶትሳሮ" አመ።

27 ኤሰና፥ "እ ጎታ!" "ከሮርና ኦዶኬሳት ዱጉድኮ ታኢተቶ ኦሮንት አማራ" አንተ።

28 ሀሱ ጎራታ የሱሳ፥ "አት ሄለልትቲ አማኖካ ካአቲያ! ሀልቻካክ ማለ ኩን ሀሌዎ" አመ። ኡኑትና ሀሱ ጎራታኮ ሀጋአብተደ ፋይተ።