13 І ўзыходзіць на гару, і кліча тых, якіх Сам хацеў, і прыйшлі да Яго.
14 І вызначыў Дванаццаць, каб былі з Ім і каб пасылаць іх абвяшчаць,
15 і каб мелі ўладу аздараўляць хваробы і выганяць дэманаў:
16 Сымона, і даў яму імя Пётар,
17 і Якуба Заўдыявага, і Яна, брата Якуба, і даў ім імя Боанэргес, што значыць "Сыны грому",
18 і Андрэя, і Філіпа, і Барталамея, і Мацьвея, і Тамаша, і Якуба Алфеявага, і Тадэвуша, і Сымона Кананіта,
19 і Юду Іскарыёта, які выдаў Яго.