1 Сыне мой, калі ты прыймеш словы мае і захаваеш у сябе прыказаньні мае,

2 прыхіляючы вуха тваё да мудрасьці і схіляючы сэрца тваё да разважлівасьці,

3 калі вось клікаць будзеш розум і голас твой уздымеш, заклікаючы развагу,

4 калі шукаць яе будзеш як срэбра, і прагнуць яе будзеш як багацьця,

5 тады зразумееш страх перад ГОСПАДАМ і знойдзеш пазнаньне Бога.

6 Бо ГОСПАД дае мудрасьць, і з вуснаў Ягоных — веданьне і разуменьне.