MATEYO 14

Yesu aenda pamensi

22 Yesu aebele abasambi bakwe ukupatama mubwato bamutangilile busilya bwa mumana, ilyo ena alesalanganya abantu. 23 Panuma ya kusalanganya abantu, apilukile pa lupili mukupepa. Lintu ikyungulo kyafikile aali kulya kwine eka, 24 lelo pali iyi nsita ubwato bwali nabufika apatali, bwalesenkela namaputa pantu umwela walebusunka.

25 Kuli kakula Yesu aisile ku basambi, aleyenda pamumana. 26 Lintu abasambi bamumwene aleyenda pamumana balitiinine ngansi, baebele ukuti, "Kiwa!" Kabili bapundile no mwenso.

27 Lelo Yesu palyapene abeba ukuti, "Tekeni imitima, Ninebo mwitiina!"

28 Petelo epakulanda ukuti, "Wemfumu, nganiwebo ngeba ingise kuli webo ndeyenda pamensi."

29 Yesu nao amwaswike ukuti, "Isa!" Petelo akokele mubwato nokwamba ukwenda pamensi aleya kuli Yesu. 30 Lelo lintu amwene umwela alitinine, ayamba nokwibila mumensi. Alilile ukuti, "Mwe Mfumu, mpususyeni!"

31 Yesu palyapene atambulwile ukuboko amukwata nokulanda ukuti, "We muntu wakitetekelo kinono! Kinsi wakitwisikila?"

32 Lintu bapateme mubwato nomwela walala. 33 Elo abaali mubwato basinsimwine Lesa ukuti, "Mukiine uli Mwana wakwa Lesa!"