Ninani umukalamba?
1 Pali ilya nsita abasambi baisile kuli Yesu mukumwipusya ukuti, "Busye ninani umukalamba mu bufumu bwa mumulu?"
2 Yesu aitile umwaike amwimika pakati kabo, 3 nokulanda ukuti, "Ndemyeba ikisinka ukuti ngatamupilibwike nokuba ngo mwana umunono tamwakengile mubufumu bwa mumulu. 4 Onse uwaikefya ngo mwana umunono, mukalamba mu bufumu bwa mumulu. 5 Onse uwapokelela umwana umunono ngoyu mwisina lyandi, ninsi apokelela nebo.
Mwilalenga bambi ukubifya
(Mako 9.42-48; Luka 17.1-2)
6 Lelo onse uwalenga ukuti kamo pali utu twaike utwasumina muli nebo ukubembuka, kyamuwamina ukumukakila ilibwe lya kupelelako mu mukosi nokumuposa pali bemba washika.
10 Moneni ukuti tamusalwilepo nangu kamo pali utu twaike. Pantu ndemyeba ukuti bamalaika batuko mumulu, lyonse bamona ikinso kyakwa Taata mumulu.