20 Elo nyina wa bana bakwa Zebede aisile kuli Yesu nabana bakwe, nokufukama, amulomba ifintu fimo.
21 Kabili Yesu amwipwisye ukuti, "Nikinsi ulefwaya?"
Nao alandile ukuti, "Suminisya abana bandi, mubufumu bobe umo akekale kukulyo kobe naumbi akekale kukuso kobe."
24 Lintu abasambi ukumi limo abasyala baumfwile aya masiwi, balifulilwe bamunyina babili. 25 Yesu abetile pamo bonse nokubeba ukuti, "Mwalisiba ukuti bansyamfumu ba benafyalo balikwata amaka pa bufumu bwabo, nentungulusi syabo silabomfya amaka syakwata pabantu. 26 Lelo mwebo mwilakita nga bena. Umo pali mwebo ngalefwaya ukuba umukalamba, abe umubomfi wababiye, 27 nakabili umo ngalefwaya ukuba uwantansi, abe umusya wenu 28 kwati Mwana Wamuntu taisile ukuti bamupwingile lelo aisile mukupyunga nokupela umweo wakwe mukulubula abantu abengi."
Yesu aundapa impofu sibili
(Mako 10.46-52; Luka 18.35-43)