Yesu abusya umukasyana kabili aundapa nomwanakasi wamukunko
18 Yesu palya akili alelanda ifi, kwaisile intungulusi yaba Yuda kuli ena, yamufukamina nokulanda ukuti, "Umwana wandi afwafye ililine, nomba twende umutambalikepo amaboko kabili alaba nomweo."
19 Eikyo Yesu aimine nokumukonka kabili nabasambi bakwe baile nao.
20 Umwanakasi uwalekyusiwa nomukunko pamyaka ikumi limo naibili aisile kunuma yakwa Yesu, nokukumya kupela yansalu yakwe. 21 Aebele mumutima wakwe ukuti, "Nganakumyafye kunsalu yakwe ndepola."
22 Yesu apilibwike nokumona, alandile ati, "Sipa wemwana wandi umwanakasi," "Ikitetekelo kyobe kyakuposya." Pali ilya ine nsita umwanakasi alipolele. 23 Yesu aingile muŋanda yantungulusi yaba Yuda. Lintu amwene abalelisya imitolilo nebumba lyabantu abalelolosya, 24 alandile ukuti, "Bonse fumineni panse! Uyu mukasyana tafwile alelefye!" Elo bonse bamuseka. 25 Lelo lilyafye abantu bafuma panse, aingile ayamukwata pakuboko, kabili nao aima. 26 Ilyasi lyapali ifi lyasabankene muli ilya nkende yakyalo.
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)