Provérbios 2

Kunaka kwoUchenjeri

1 Mwanakomana wangu, kana ukagamuchira mashoko angu,

ukachengeta mirayiro yangu mauri,

2 ukarerekera nzeve yako kuuchenjeri

uye ukaisa mwoyo wako pakunzwisisa,

3 uye kana ukadanidzira kuti uwanze njere

uye ukadanidzira nenzwi guru kuti uwane kunzwisisa,

4 uye kana ukahutsvaka sounotsvaka sirivha

nokuhutsvaka sounotsvaka pfuma yakavanzwa,

5 ipapo uchanzwisisa kutya Jehovha

uye uchawana ruzivo rwaMwari.

6 Nokuti Jehovha anopa uchenjeri,

uye mumuromo make munobuda zivo nokunzwisisa.