Yone 20

Ea Ado ba:su Dunu da Yesu Ea Wa:legadoi Da:i Hodo Ba:i

19 Amo Sada:i daeyadafa, Yesu Ea ado ba:su dunu da Yu ouligisu dunu ilima beda:iba:le, ilia logo ga:sili, gagili salawene diasu ganodini esalu. Amalalu, logo mae doasili, Yesu misini, ilia gilisisu dogoa amoga lelu, amane sia:i, "Olofosu dilima dialoma!" 20 Sia:nanu, Ea lobo amola Ea afo ilima olelei. Ilia Hina ba:beba:le, hahawane bagade ba:i. 21 Yesu da ilima sia:i, "Olofosu dilima dialoma! Na Ada da Na asunasi amo defele, Na da dili asula ahoa!"

22 E da ilima mi fo fulabole, amane sia:i, "Dilia Gode Ea A:silibu Hadigidafa Gala lama! 23 *20:23 Ma:diu 16:19, 18:18Dilia da dunu ilia wadela:i hou gogolema:ne olofosea, ilia hou da gogolema:ne olofoi dagoi ba:mu. Be dilia ilia wadela:i hou hame gogolema:ne olofosea, ilia wadela:i hou da hame gogolema:ne olofoi dialebe ba:mu."