16 Eso afaega, dunu afae da Yesuma misini, amane sia:i, "Olelesu! Na da eso huluane Fifi Ahoanusu ba:ma:ne, adi ida:iwane hou hamoma:bela:?"
17 Yesu E bu adole i, "Di da abuli hou ida:iwane hamomusa:, Nama adole ba:bela:? Afadafa fawane da ida:iwane gala, - amo da Gode Hi fawane. Di da eso huluane Fifi Ahoanusu ba:mu hanai galea, Gode Ea Sema hamoma:ne sia:i nabawane hamoma."
18 19:18 Gadili Asi 20:13-16; Mousese ea Malasu 5:17-20 E da Yesuma bu adole ba:i, "Adi Semala:?" Yesu E amane sia:i, "Mae fane legema! Inia: uda mae adole lama! Liligi mae wamolama! Mae ogogoma! 19 19:19 Gadili Asi 20:12; Mousese ea Malasu 5:16; Gobele Salasu 19:18Dia ada amola ame elama asigima! Dina: da:ima asigi hou defele eno dunuma asigima!"
20 Dunu ayeligi da Yesuma bu adole i, "Na da amo sema huluane nabawane hamoi dagoi. Na da eno adi hamoma:bela:?" 21 Yesu E amane sia:i, "Di da houdafa hamomusa: dawa:sea, dia liligi huluane bidi lale, amo muni lai huluane hame gagui dunuma ima. Amasea, di da liligi ida:iwane bagade gala, Hebene ganodini ligisi ba:mu. Amasea, misini, Nama fa:no bobogema."
22 Be amo sia: nababeba:le, dunu ayeligi da sinidigili, da:i dioiwane asi. Bai e da liligi bagade gaguiba:le.
23 Yesu da Ea fa:no bobogesu dunuma amane sia:i, "Bagade gagui dunu da Gode Ea Hinadafa Hou amoga heda:su logo ga:nasi bagade ba:sa. 24 Ga:mele da nusi ea gelaboga golili masunu da gasa bagade. Be bagade gagui dunu ea Hebene heda:su logo da ga:mele ea nusi gelaboga golili masunu logo baligisa."
25 Amo sia: nababeba:le, Yesu Ea ado ba:su dunu da fofogadigili amane sia:i, "Logo da gasa bagadeba:le, nowa da Gode Ea gaga:su ba:ma:bela:?"
26 Yesu da ilima molole ba:legale, ilima amane sia:i, "Osobo bagade dunu da amo hou hamomu hamedei ba:sa. Be Gode da gasa bagade hou huludafa hamomusa: dawa:."
Domínio Público. Esta tradução bíblica de domínio público é trazida a você por cortesia de eBible.org.