Mateus 4

Sa:ida:ne da Yesu Dafama:ne Ema Ado Ba:i

1 * 4:1 Hibulu 2:18, 4:15 Amalalu, Gode Ea A:silibu Hadigidafa Gala da Yesu amo dunu hame esalebe wadela:i hafoga:i soge amoga, Sa:ida:ne da Yesu Ea hou dafama:ne ado ba:musa:, oule asi. 2 Yesu da eso 40 amola gasi 40, ha:i hame maiba:le, ha:i bagade nabi. 3 Amalalu, dafama:ne ado ba:su dunu (Sa:ida:ne) da Yesuma misini, amane sia:i, "Di da Gode Ea Manodafa esala sia:sa. Amaiba:le, amo igi afadenene, bu agi hamoma:ne sia:ma!"

4 * 4:4 Mousese ea Malasu 8:3 Be Yesu da bu adole i, "Gode Ea sia: ganodini agoane dedei diala, dunu ilia esalusu da ha:i manu fawane hame. Be Gode Ea lafidili sia: huluane da dunu ilia esalusudafa."

5 Amalalu, Sa:ida:ne da Yesu amo Yelusaleme moilai bai bagadega oule asi. E da Debolo Diasu amo dabua gadodafa, Yesu oule heda:i. 6 *4:6 Gesami Hea:su 91:11-12E da amane sia:i,

"Di da Gode Ea Manodafa esalea, osoboa soagala:guduma.

Bai Gode Ea Sia: Buga ganodini agoane dedei diala,

‘Dia emo igiga mae wadela:ma:ne,

Ea a:igele dunu da Di ilia loboga da:ma:ne, E da sia:mu.’"

7 * 4:7 Mousese ea Malasu 6:16 Be Yesu E bu adole i, "Gode Ea Sia: da agoane dedei diala, ‘Gode Ea hou ba:musa:, udigili ado ba:su hou maedafa hamoma,’"

8 Amalalu, Sa:ida:ne da Yesu goumi bagade amo gadodafa sogebi oule asi. E da osobo bagade fi amola ilia hadigi bagade liligi huluane, Yesuma olelei. 9 E Yesuma amane sia:i, "Di da nama beguduli, nodone sia:ne gadosea, na da amo liligi huluane dima imunu." 10 *4:10 Mousese ea Malasu 6:13Be Yesu E amane sia:i, "Sa:ida:ne! Di da masa! Gode Sia: da agoane dedei diala, "Dilia Hina Godema fawane nodone sia:ne gadoma. Amola Ema fawane hawa: hamoma!"

11 Amalalu, Sa:ida:ne da yolesili asi. Amola a:igele dunu ilia da Yesu fidimusa: misi.