8 Na da dilima sia:sa! Yesu Gelesu da Yu dunu fidima:ne, eso huluane E da osobo bagadega esaloba, hawa: hamosu. Amo hou da Gode Ea hou da dafawane amo olelesa. Amola Gode E da Yu siba fi ilima hahawane dogolegele imunu ilegele sia:i, amo liligi Yesu da hawa: hamomusa: misi dagoi. 9 15:9 2 Sa:miuele 22:50; Gesami Hea:su 18:49Amola Dienadaile dunu da Gode Ea gogolema:ne olofosu ba:beba:le, Ema nodoma:ne, Gelesu da misi dagoi. Gode Sia: da agoane dedei diala,
"Na da Dienadaile fi amo ganodini Dima nodomu!
Na da Dima nodone gesami hea:mu!"
10 15:10 Mousese ea Malasu 32:43 Sia: eno dedei, amane,
"Dienadaile dunu! Dilia amola Gode Ea fi dunu,
gilisili hahawane nodoma!"
11 15:11 Gesami Hea:su 117:1 Eno dedei amane, "Dienadaile dunu huluane!
Hina Godema hahawane nodoma! Fifi asi gala dunu huluanedafa Ema nodoma!"
12 15:12 Aisaia 11:10 Amola Aisaia da amane sia:sa,
"Yesi egaga fi mano da
Dienadaile dunuma Ouligisuwane esaloma:ne, misunu.
E misunuba:le, Dienadaile dunu da dafawane hamoma:beyale dawa:lumu."
13 Gode da hobea misunu dafawane hamoma:beyale dawa:lusu hou amo ea bai esala. Dilia da Ea Hou dafawaneyale dawa:beba:le, Gode da dilima baligiliwane hahawane hou amola olofosu hou imunu da defea. Amasea, dilia Gode Ea A:silibu Hadigidafa Gala amo ea gasa lai dagoiba:le, dilia hobea misunu dafawane hamoma:beyale dawa:lusu hou doaga:ma:ne hahawane ouesalusu hou da asigilalumu.
Domínio Público. Esta tradução bíblica de domínio público é trazida a você por cortesia de eBible.org.