1 कुरिन्थियों 15

20 पर सच म्ह ए परमेसवर नै मसीह ताहीं मुर्दयां म्ह तै जिन्दा करया सै, अर वो पैहला माणस सै, जो मरे होया म्ह तै जिन्दा करया गया। 21 क्यूँके जिब एक माणस आदम कै जरिये दुनिया म्ह मौत आई, तो दूसरा माणस मसीह कै जरिये मरे होया का दोबारा जिन्दा हो जाणा भी होया। 22 अर जिस तरियां आदम के पाप के जरिये सारे माणस मरै सै, उस्से तरियां ए मसीह नै जो करया, उसके जरिये सारे माणस मरे होया म्ह तै जिन्दा भी करे जावैंगे।