45 पवित्र ग्रन्थ म्ह भी लिख्या सै, के "पैहल्ड़ा माणस, यानिके आदम जिन्दा प्राणी बण्या" अर आखरी आदम जो मसीह सै, वोए सै जो हमनै अनन्त जीवन देवै सै। 46 माँस अर लहू तै बणी देह पैहल्या वजूद* म्ह आई, फेर उस देह ताहीं परमेसवर की आत्मा के जरिये जीवन मिलै सै। 47 पैहल्ड़ा माणस धरती तै, यानिके माट्टी तै बण्या होया था, दूसरा माणस जो मसीह था सुर्ग तै आया। 48 धरती पै रहण आळे लोग, धरती के पैहले माणस आदम की ढाळ माट्टी तै बणे सै, पर सुर्ग म्ह रहण आळे लोग, सुर्ग के माणस मसीह यीशु की तरियां सै। 49 हम सबका रूप आदम की ढाळ सै, जो माट्टी तै बण्या सै, उस्से तरियां एक दिन हमनै मसीह का रूप भी मिलैगा, जो सुर्गीय सै।