16 सारी हाण राज्जी रहो। 17 लगातार प्रार्थना म्ह लाग्गे रहो। 18 हरेक हालात म्ह धन्यवाद करो; क्यूँके थारे खात्तर मसीह यीशु म्ह परमेसवर की याए मर्जी सै। 19 पवित्र आत्मा ताहीं माणसां के जीवन म्ह काम करण तै ना रोक्को। 20 परमेसवर के जरिये जो भविष्यवाणीयाँ माणसां ताहीं बताई गई सै उननै तुच्छ ना जाणो। 21 इन सारी बात्तां ताहीं परखो; जो आच्छी सै उसनै थाम्बे राक्खो। 22 सारी ढाळ की बुराई तै बचे रहो।
आशीर्वाद
23 शान्ति देण आळा परमेसवर आप ए थमनै पूरी तरियां तै पवित्र करै; अर थारी आत्मा अर प्राण अर देह म्हारै प्रभु यीशु मसीह कै बोहड़ण ताहीं पूरे-पूरे अर बेकसूर सुरक्षित रहवैं। 24 थारा बुलाण आळा सच्चा सै, अर वो इसाए करैगा।