4 पर हे बिश्वासी भाईयो, थम तो अन्धकार के काम्मां तै अनजाण न्ही सो, के प्रभु के आण का दिन थारे पै चोर की ढाळ आ पड़ै। 5 क्यूँके थम सारे चाँदणे की औलाद अर दिन की औलाद सो; हम ना रात के सां, ना अन्धकार के सां। 6 ज्यांतै हम अबिश्वासी माणसां की तरियां सोन्दे ना रहवां, पर जागदे अर चौकन्‍ने रहवां। 7 क्यूँके जो सोवैं सै, वे रात ए नै सोवैं सै, अर जो मतवाले होवै सै वे रात ए नै मतवाले होवै सै। 8 पर हम जो दिन के सां, बिश्वास अर प्यार की झिलम पैहरकै अर उद्धार की आस का टोप पैहरकै होशियार रहवां। 9 क्यूँके परमेसवर नै म्हारै ताहीं छो कै खात्तर न्ही, पर ज्यांतै ठहराया सै, के हम अपणे प्रभु यीशु मसीह कै जरिये उद्धार पावां।