प्रेरितों के काम 13

बरनबास अर शाऊल का भेज्या जाणा

1 अन्ताकिया नगर की कलीसिया म्ह कई नबी अर उपदेशक थे, यानी बरनबास, शमौन जो नीगर (काळा आदमी) कुह्वावै सै, अर शाऊल अर कुरेनी लूकियुस, मनाहेम जिसका पालन-पोषण चौथाई देश के राजा हेरोदेस कै गैल होया था। 2 जिब ये लोग प्रभु की आराधना अर उपवास करण लागरे थे, तो पवित्र आत्मा नै उनतै कह्या, "मेरै खात्तर बरनबास अर शाऊल नै उस काम कै खात्तर न्यारा करो जिसकै खात्तर मन्‍नै उन ताहीं बुलाया सै।" 3 फेर उननै उपवास अर प्रार्थना करकै अर उनपै हाथ धरकै उन ताहीं परमेसवर के काम खात्तर बिदा करया।