प्रेरितों के काम 2:1-4

पवित्र आत्मा का उतरणा

1 यहूदियाँ के पिन्तेकुस्त त्यौहार के दिन, यीशु के चेल्‍लें एक जगहां कठ्ठे थे। 2 चाणचक अकास तै तेज आँधी जिसी आवाज आई, अर उसतै सारा घर जित्त वे बेठ्ठे थे, गूँजग्या। 3 अर उननै एक आग की लपट दिक्खी, जो जीभ के समान थी, वा आग की लपट अलग-अलग होकै उन सब कै उप्पर आ उतरी। 4 वे सारे पवित्र आत्मा तै भरगे, अर जो वरदान पवित्र आत्मा नै उन ताहीं दिया, उसके मुताबिक वो अन्य-अन्य भाषा बोल्‍लण लाग्गे।