21 मार्था नै यीशु ताहीं कह्या, "हे प्रभु, जै तू आड़ै होंदा, तो मेरा भाई कदे न्ही मरदा। 22 अर इब भी मन्नै बेरा सै, जो कुछ तू परमेसवर तै माँगैगा, परमेसवर तन्नै देवैगा।"
23 यीशु नै उस ताहीं कह्या, "तेरा भाई जी ज्यागा।"
24 मार्था नै उस ताहीं कह्या, "मन्नै बेरा सै, के आखर के दिन म्ह पुनरुत्थान के बखत वो जी ज्यागा।"
25 यीशु नै मार्था तै कह्या, "पुनरुत्थान अर जीवन मै ए सूं, जो कोए मेरै पै बिश्वास करैगा, वो जै मर भी जावै फेर भी जिवैगा, 26 अर जो कोए जीवै सै, अर वो मेरै पै बिश्वास करै सै, वो अनन्त काल ताहीं कोनी मरैगा। के तू इस बात पै बिश्वास करै सै।"
43 न्यू कहकै ठाड्डू आवाज म्ह रुक्का मारया, "हे लाजर, लिकड़ आ।" 44 जो मर लिया था उसके हाथ-पैर पट्टियाँ तै बंधे होए थे, अर उसकै मुँह पै अंगोच्छा लिपटरया था। यीशु नै उन ताहीं कह्या, "उसनै खोलदो अर जाण द्यो।"
यीशु कै बिरुध्द साजिस
(मत्ती 26:1-5; मरकुस 14:1-2; लूका 22:1-2)