20 "मै केवल इन्हे खात्तर बिनती कोनी करदा, पर उन माणसां खात्तर भी जो इनकै वचन कै जरिये मेर पै बिश्वास करैगें, 21 ताके वे सब एक हों, जिस तरियां हे पिता तू मेरै म्ह सै, अर मै तेरे म्ह सूं, उस्से तरियां वे भी म्हारै म्ह एक हो, जिसतै दुनिया के माणस बिश्वास करै के तन्‍नै ए मेरै ताहीं भेज्या सै। 22 वा महिमा जो तन्‍नै मेरै ताहीं दी, मन्‍नै उन ताहीं दी सै, ताके वे उस्से तरियां ए एक होवै जिस तरियां हम एक सा, 23 मै उन म्ह अर तू मेरे म्ह ताके वे सिध्द होकै एक हो जावै, अर दुनिया नै बेरा पाट्टै के तन्‍नै ए मेरै ताहीं भेज्या, अर जिस तरियां तन्‍नै मेरै तै प्यार करया उस्से तरियां उनतै प्यार करया।"