यूहन्‍ना 19

23 जिब सिपाहियाँ नै यीशु ताहीं क्रूस पै चढ़ा दिया, तो उसके लत्ते लेकै चार हिस्यां म्ह बांड लिए, हरेक सिपाही खात्तर एक हिस्सा, अर कुड़ता भी लिया, पर कुड़ता बिन सिलाई उप्पर तै तळै ताहीं सिम्या होया था।

24 इस करकै सिपाहियाँ नै आप्पस म्ह कह्या, "हम इस ताहीं पाड़ा कोनी, पर इसपै पर्ची गेर कै, के यो किसका होवैगा।" न्यू इस करकै होया के पवित्र ग्रन्थ म्ह जो लिख्या होया वो पूरा हो, "उननै मेरे लत्ते आप्पस म्ह बांड लिए अर मेरे लत्ते पै पर्ची गेरी।"

यीशु का अपणी माँ खात्तर प्रावधान

25 आखर म्ह सिपाहियाँ नै इसाए करया। यीशु कै क्रूस कै धोरै यीशु की माँ, अर उसकी मौस्सी, क्लोपास की घरआळी मरियम, अर मगदल गाम की मरियम खड़ी थी। 26 जिब यीशु नै अपणी माँ, अर उस चेल्‍लें ताहीं जिसतै वो प्यार करै था, धोरै खड़े देख्या तो अपणी माँ तै कह्या, "हे नारी, लखा, यो तेरा बेट्टा सै।" 27 फेर उस चेल्‍लें तै कह्या, "या तेरी माँ सै।" अर उस्से बखत वो चेल्‍ला उस ताहीं अपणे घरां लेग्या।