यीशु का अपणी माँ खात्तर प्रावधान
25 आखर म्ह सिपाहियाँ नै इसाए करया। यीशु कै क्रूस कै धोरै यीशु की माँ, अर उसकी मौस्सी, क्लोपास की घरआळी मरियम, अर मगदल गाम की मरियम खड़ी थी। 26 जिब यीशु नै अपणी माँ, अर उस चेल्लें ताहीं जिसतै वो प्यार करै था, धोरै खड़े देख्या तो अपणी माँ तै कह्या, "हे नारी, लखा, यो तेरा बेट्टा सै।" 27 फेर उस चेल्लें तै कह्या, "या तेरी माँ सै।" अर उस्से बखत वो चेल्ला उस ताहीं अपणे घरां लेग्या।