मरियम मगदलीनी पै जाहिर होणा
11 पर मरियम20:11 मरियम मगदला गाम की रोंदी होई कब्र कै धोरै ए बाहरणै खड़ी रही, अर रोन्दे-रोन्दे कब्र कै कान्ही कोड्डी होकै,
14 न्यू कहकै वा पाच्छै मुड़ी अर यीशु ताहीं खड़े देख्या, पर पिच्छाण्या कोनी के यो यीशु सै।
15 यीशु नै उसतै कह्या, "हे नारी, तू क्यातै रोवै सै? किसनै टोहवै सै?" उसनै माळी समझकै उस ताहीं कह्या, "हे श्रीमान, जै तन्नै उस लाश ताहीं ठा लिया सै, तो मन्नै बता के उस ताहीं कित्त धर राख्या सै, अर मै उसनै ले जाऊँगी।"
16 यीशु नै उस ताहीं कह्या, "मरियम!" उसनै बोहड़कै उस ताहीं इब्रानी म्ह कह्या, "रब्बुनी!" यानिके "हे गुरु"।
17 यीशु नै उस ताहीं कह्या, "पैरां म्ह लिपटकै मन्नै मतना छूओ, क्यूँके मै इब ताहीं पिता कै धोरै उप्पर कोनी गया, पर मेरे भाईयाँ कै धोरै जाकै उनतै कह दे, के मै अपणे पिता अर थारे पिता, अर अपणे परमेसवर अर थारे परमेसवर कै धोरै उप्पर जाकै आऊँ सूं।"
18 मरियम मगदलीनी नै जाकै चेल्यां ताहीं बताया, "मन्नै प्रभु ताहीं देख्या, अर उसनै मेरै तै ये बात कही।"