9 जिब चेल्लें किनारे पै उतरे, तो उननै कोयले की आग अर उसपै मच्छी धरी होई, अर रोट्टी देक्खी।
यीशु अर पतरस
15 खाणा खाणे कै पाच्छै यीशु नै शमौन पतरस तै कह्या, "हे शमौन, यूहन्ना के बेट्टे, के तू चेल्यां तै बाध मेरतै प्यार करै सै?" उसनै उसतै कह्या, "हाँ प्रभु, तन्नै तो बेरा सै के मै तेरे तै प्यार राक्खूँ सूं।" उसनै उसतै कह्या, "मेरे मेम्ना नै चरा।"21:15 इन शब्दां नै यीशु अपणे अनुयायिओं कै खात्तर इस्तमाल म्ह लाता था
16 उसनै दुसरी बर उसतै कह्या, "हे शमौन, यूहन्ना के बेट्टे, के तू मेरै तै प्यार राक्खै सै?" उसनै उसतै कह्या, "हाँ प्रभु, तन्नै तो बेरा सै के मै तेरे तै प्यार राक्खूँ सूं।" उसनै उसतै कह्या, "मेरी भेड्डां की रुखाळी कर।"
17 उसनै तीसरी बर उस ताहीं कह्या, "हे शमौन, यूहन्ना के बेट्टे, के तू मेरतै प्यार राक्खै सै?" पतरस कांल होया के उसनै उसतै तीसरी बर इसा कह्या, "हे शमौन, यूहन्ना के बेट्टे, के तू मेरतै प्यार राक्खै सै?" अर उसतै कह्या, "हे प्रभु, तन्नै तो सारा कुछ बेरा सै, तन्नै न्यू बेरा सै के मै तेरे तै प्यार राक्खूँ सूं।" यीशु नै उसतै कह्या, "मेरी भेड्डां नै चरा।" 18 मै तेरे तै साच्ची-साच कहूँ सूं, "जिब तू जवान था तो अपणी कड़ बाँधकै जड़ै चाहवै था उड़ै हाँडै था, पर जिब तू बूढ़ा होगा तो अपणे हाथ पसारैगा, अर दूसरा तेरी कड़ बाँधकै जड़ै तू ना चाहवैगा उड़ै तन्नै ले जावैगा।" 19 यीशु नै इन बात्तां तै इशारा करया के पतरस किसी मौत तै परमेसवर की महिमा करैगा, अर फेर उसनै उसतै कह्या, "मेरै पाच्छै हो ले।"