7 इतणै म्ह एक सामरी बिरबान्नी पाणी भरण आई। यीशु नै उस ताहीं कह्या, "मन्नै पाणी पिया।"
9 उस सामरी बिरबान्नी नै उस ताहीं कह्या, "तू यहूदी होकै मेरे तै सामरी बिरबान्नी तै पाणी क्यांतै माँग्गै सै?" (क्यूँके यहूदी सामरियाँ तै नफरत करै थे।)
10 यीशु नै जवाब दिया, "जै तू जाणदी के परमेसवर तन्नै के देणा चाहवै सै, अर वो कौण सै, जो तेरे तै कहवै सै, ‘मन्नै पाणी पिया,’ फेर तू उसतै माँगदी, अर वो तन्नै जीवन का पाणी देन्दा।"
16 यीशु नै उस ताहीं कह्या, "जा अपणे धणी नै याड़ै बुला ल्या।"
17 बिरबान्नी नै जवाब दिया, "मै बिना धणी की सूं।" यीशु नै उस ताहीं कह्या, "तू ठीक कहवै सै, ‘मै बिना धणी की सूं।’ 18 क्यूँके तन्नै पाँच धणी कर लिए सै, अर जिस माणस कै गेल्या तू इब सै वो भी तेरा धणी कोनी। या तन्नै साच्ची-ए कही सै।"
26 यीशु नै उस ताहीं कह्या, "मै जो तेरे तै बोल्लण लागरया सूं, मै वोए सूं।"
29 "आओ एक माणस नै देक्खो, जिसनै सारा किमे जो मन्नै करया मेरै तै बता दिया। कदे योए तो मसीह न्ही सै?"