34 मरियम नै सुर्गदूत तै कह्या, "यो किस तरियां होगा। मै तो कुँवारी सूं।"

35 सुर्गदूत नै उस ताहीं जवाब दिया, "पवित्र आत्मा तेरे पै आवैगा अर परमप्रधान की सामर्थ तेरे पै छाया करैगी, इस खात्तर वो जो बाळक पैदा होण आळा सै, पवित्र अर परमेसवर का बेट्टा कुह्वावैगा। 36 अर सुण, तेरी रिश्तेदार जो एलीशिबा सै उसकै भी बुढ़ापे म्ह बेट्टा होण आळा सै, जो बाँझ कुह्वावै थी यो उसका, छठा महिन्‍ना सै। 37 क्यूँके परमेसवर खात्तर कुछ भी मुश्किल कोनी सै।"

38 मरियम नै कह्या, "देख, मै प्रभु की दास्सी सूं, मेरै तै तेरे कहैए वचन कै मुताबिक हो।" फेर सुर्गदूत उसके धोरै तै चल्या ग्या।