59 आठवे दिन वे बाळक का खतना करण ताहीं आये, अर उसका नाम उसकै पिता के नाम पै जकर्याह धरणा चाहवै थे। 60 इस पर उसकी माँ एलीशिबा नै जवाब दिया, "ना, इसका नाम यूहन्ना धरो।"
61 उननै उस ताहीं कह्या, "तेरे रिश्तेदारा म्ह किसे का यो नाम न्ही सै!"
62 फेर उसकै पिता तै इशारा करकै पूच्छया कै तू उसका नाम कै धरणा चाहवै सै? 63 उसनै लिखण की पट्टी पै लिख दिया, "उसका नाम यूहन्ना सै," अर सारा नै अचम्भा होया। 64 फेर उसकी आवाज बोहड़ आई, अर वो बोल्लण अर परमेसवर का धन्यवाद करण लाग्या।