लूका 23:39-43

मन फिराण आळा भुण्डे काम करणीया

39 जो बुरे काम करणीये ओड़ै लटकाए गए थे, उन म्ह तै एक नै उसकी बेजती करकै कह्या, "के तू मसीह कोनी? फेर अपणे-आपनै अर हमनै बचा!"

40 इसपै दुसरे नै उस ताहीं धमका के कह्या, "के तू परमेसवर तै भी कोनी डरदा? तू भी तो वाए सजा पा रया सै, 41 हम तो न्याय के मुताबिक सजा पारे सां, क्यूँके हम अपणे काम्मां की ठीक सजा पारे सां, पर उसनै कोए गलत काम न्ही करया।"

42 फेर उसनै कह्या, "हे यीशु, जद तू अपणे राज्य म्ह आवै, तो मेरी खियास करिये।"

43 उसनै उस ताहीं कह्या, "मै तन्‍नै सच कहूँ सूं के आजे तू मेरै गेल्या सुर्गलोक म्ह होगा।"