28 पतरस उसतै कहण लाग्या, "देख, हम तो सब कुछ छोड़कै तेरे चेल्लें बणगे सा।"
29 यीशु नै कह्या, "मै थमनै साच्ची-साच कहूँ सूं के इसा कोए कोनी, जिसनै मेरै अर मेरै सुसमाचार कै खात्तर घर, भाण-भाई, माँ-बाप, बाळ-बच्चे या जमीन-जायदाद ताहीं छोड़ दिया हो, 30 अर इब इस युग म्ह सताव के बदले म्ह घर, भाण-भाई, माँ-बाप या बाळ-बच्चे अर जमीन-जायदाद का सौ गुणा पर आण आळे बखत म्ह अनन्त जीवन पावैगा। 31 पर घणखरे जो पैहले सै, पाच्छले होंगे; अर जो पाच्छले सै, वे पैहले होंगे।"
अपणी मौत कै बारै म्ह यीशु मसीह की तीसरी भविष्यवाणी
(मत्ती 20:17-19; लूका 18:31-34)