42 तो यीशु नै उन ताहीं धोरै बुलाकै उनतै कह्या, "थमनै बेरा सै के जो गैर यहूदियाँ के हाकिम समझे जावै सै, वे उनपै राज करै सै; अर उन म्ह जो बड़े सै, उनपै हक जमावैं सै। 43 पर थारे म्ह इसा न्ही होणा चाहिये, बल्के जो कोए थारे म्ह बड्ड़ा होणा चाहवैं वो थारा सेवक बणै; 44 अर जो थारे म्ह प्रधान होणा चाहवैं, वो सारया का दास बणै। 45 क्यूँके मै माणस का बेट्टा ज्यांतै कोनी आया के अपणी सेवा-पाणी करवाऊँ, पर ज्यांतै आया के खुद सेवा-पाणी करुँ, अर घणखरयां के छुटकारै कै खात्तर अपणी जान देऊँ।"
आन्धे बरतिमाई ताहीं आँखां का दान
(मत्ती 20:29-34; लूका 18:35-43)