13 फेर यीशु पहाड़ पै चढ़ग्या, अर जिन नै वो चाहवै था उन ताहीं अपणे धोरै बुलाया; अर वे उसकै धोरै आए। 14 फेर उसनै उन म्ह तै बारहा चेल्यां ताहीं नियुक्त करया के वे उसकै गेल्या-गेल्या रहवै, अर वो उननै भेज्जै के वे प्रचार करै, 15 अर ओपरी आत्मा ताहीं काढ़ण का हक राक्खै। 16 वे बारहा चेल्लें ये सै: "शमौन जिसका नाम उसनै पतरस धरया, 17 अर जब्दी का बेट्टा याकूब अर याकूब का भाई यूहन्ना, जिसका नाम उसनै बुअनरगिस यानिके ‘गरजण का बेट्टा’ धरया।" 18 अर अन्द्रियास, अर फिलिप्पुस, अर बरतुल्मै, अर मत्ती, अर थोमा, अर हलफई का बेट्टा याकूब, अर तद्दै, अर शमौन कनानी, 19 अर यहूदा इस्करियोती जिसनै उस ताहीं पकड़वा भी दिया था।
यीशु अर शैतान
(मत्ती 12:22-32; लूका 11:14-23; 12:10)