उगण आळे बीज का उदाहरण
26 फेर यीशु नै उन ताहीं एक और उदाहरण दिया, "परमेसवर का राज्य इसा सै, जिसा कोए माणस धरती पै बीज छिड़कै सै, 27 अर रात नै सोग्या अर सबेरै जाग ग्या, अर वो बीज इसा उगै अर बधै सै के उसनै बेराए कोनी लाग्या। 28 धरती खुद-बै-खुद फळ लावै सै, पैहल्या अंकुर, फेर बाल, अर फेर बाल म्ह त्यार दाणा। 29 पर जिब दाणा पक जावै सै, फेर वो जिब्बे दांती लावै सै, क्यूँके लामणी का बखत आण पोहचा सै।"4:29 (योए. 3:13)
राई कै दाणै का उदाहरण
(मत्ती 13:31-32-34; लूका 13:18-19)