बारहा प्रेरित
1 फेर यीशु नै अपणे बारहा चेल्यां ताहीं धोरै बुलाकै, उन ताहीं ओपरी आत्मायाँ पै हक दिया के उननै लिकाड़ै अर सारी ढाळ की बिमारियाँ अर सारी ढाळ की कमजोरियाँ नै ठीक करै।
2 इन बारहा प्रेरितां के नाम ये सै: पैहल्या शमौन, जो पतरस कुह्वावै सै, अर उसका भाई अन्द्रियास, जब्दी का बेट्टा याकूब, अर उसका भाई यूहन्ना,
3 फिलिप्पुस, अर बरतुल्मै, थोमा, अर चुंगी लेण आळा मत्ती, हलफई का बेट्टा याकूब, अर तद्दै,
4 शमौन जेलोतेस10:4 (एक कट्टर पंथी राजनैतिक दल का नाम था जिसका वो सदस्य था), अर यहूदा इस्करियोती जिसनै वो पकड़वा भी दिया।