मत्ती 12

यीशु तै चिन्ह की माँग

38 इसपै कुछ शास्त्रियाँ अर फरीसियाँ नै उसतै कह्या, "हे गुरु, हम तेरे तै एक चिन्ह-चमत्कार देखणा चाहवां सा।"

39 उसनै उन ताहीं जवाब दिया, "इस युग के बुरे अर जार माणस निशान्‍नी टोह्वैं सै, पर योना नबी की निशान्‍नी नै छोड़ कोए और निशान्‍नी उन ताहीं कोनी दी जावैगी। 40 जिस तरियां योना नबी तीन रात अर तीन दिन बड़ी मछली कै पेट म्ह रहया, उस्से तरियां ए मै माणस का बेट्टा तीन रात अर तीन दिन धरती कै भीत्त्तर रहूँगा।