25 यीशु सबेरै तीन बजे कै लोवै-धोवै यीशु समुन्दर पै चाल्दे होए उनकै धोरै आया। 26 चेल्लें उस ताहीं समुन्दर पै चाल्दे होए देखकै घबरागे। अर बोल्ले, "यो भूत सै!" अर भय के मारे किल्की मारण लाग्गे।
27 फेर यीशु नै जिब्बे उनतै बात करी अर बोल्या, "होसला राक्खो! मै सूं, डरो मतना!"
28 पतरस नै उसतै जवाब दिया, "हे प्रभु, जै तू ए सै, तो मन्नै अपणे धोरै पाणी पै चालकै आण का हुकम दे।"
29 यीशु बोल्या, "आ!" फेर पतरस किस्ती पै तै उतरकै यीशु कै धोरै जाण ताहीं पाणी पै चाल्लण लाग्या।
30 पर हवा नै देखकै डरग्या, अर जिब डूब्बण लाग्या तो किल्की मारकै बोल्या, "हे प्रभु, मन्नै बचा!"
31 यीशु नै जिब्बे हाथ बढ़ाकै थाम लिया अर उसतै बोल्या, "हे अल्पबिश्वासी, तन्नै क्यांतै शक करया?"