24 यीशु नै जवाब दिया, "इस्राएल कै कुण्बे की खोई होड़ भेड्डां नै छोड़ मै किसे कै धोरै कोनी भेज्या गया।"
25 पर वा आई, अर यीशु ताहीं प्रणाम करकै कहण लाग्गी, "हे प्रभु, मेरी मदद कर।"
26 यीशु नै जवाब दिया, "छोरयां की रोट्टी लेकै कुत्त्या कै आग्गै गेरणा ठीक कोनी।"
27 उसनै कह्या, "साच्ची सै प्रभु, पर कुत्ते भी तो मेज कै तळै बाळकां की रोट्टी के टुकड़े खा लेवैं सै।"
28 इसपै यीशु नै उस ताहीं जवाब दिया, "हे नारी, तेरा बिश्वास पक्का सै। जिसा तू चाहवै सै, तेरे खात्तर उसाए हो।" अर उसकी बेट्टी उस्से घड़ी तै चंगी होग्यी।