10 जिब वो यरुशलेम म्ह बड़या, तो सारे नगर म्ह खलबली माचगी, अर माणस कहण लाग्गे, "यो कौण सै?"
11 माणसां नै कह्या, "यो गलील परदेस के नासरत नगर का नबी यीशु सै।"
मन्दर तै व्यापारियाँ का लिकाड्या जाणा
12 यीशु नै परमेसवर कै मन्दर म्ह जाकै उन सारया ताहीं, जो मन्दर म्ह लेण-देण कररे थे, काढ दिया, अर सर्राफां (पईसा का लेण-देण करण आळे) के पीढ़े अर कबूतर बेचणीयाँ की चौकियाँ उल्ट दी; 13 अर उनतै कह्या, "लिख्या सै, ‘मेरा घर प्रार्थना का घर कुह्वावैगा’; पर थम उसनै डाकुवां की गुफा बणाओ सो।"