13 उस बखत यीशु गलील परदेस तै यरदन नदी कै कन्ठारे यूहन्ना कै धोरै उसतै बपतिस्मा लेण आया। 14 पर या कहकै यूहन्ना उसनै रोक्कण लाग्या, "कै मन्नै तो तेरे हाथ तै बपतिस्मा लेण की जरूरत सै, अर तू मेरै धोरै आया सै?"
15 यीशु नै उसतै जवाब दिया, "कै इब तो योए होण दे, क्यूँ कै हमनै इस्से तरियां तै सारी धार्मिकता पूरी करणा ठीक सै।" फेर उसनै उसकी बात मान ली।
16 अर यीशु बपतिस्मा लेकै जिब पाणी तै उप्पर आया, अर अकास खुलग्या, अर उसनै परमेसवर की पवित्र आत्मा ताहीं कबूतर की तरियां उतरते अर अपणे उप्पर आन्दे देख्या। 17 अर देक्खो, परमेसवर सुर्ग म्ह तै बोल्या, "कै यो मेरा प्यारा बेट्टा सै, जिसतै मै भोत घणा राज्जी सूं।"