यीशु का परखा जाणा
1 बपतिस्मे के बाद पवित्र आत्मा यीशु नै जंगल-बियाबान म्ह लेग्या, ताके शैतान4:1 शैतान ताहीं यूनानी भाषा इबलीस कहवै सै उस ताहीं परखै।
2 वो चाळीस दिन अर चाळीस रात, बिना खाए पिए रह्या, फेर उसनै भूख लाग्गी। 3 फेर शैतान नै धोरै आणकै उसतै कह्या, "जै तू परमेसवर का बेट्टा सै, तो कहकै साबित करदे, के ये पत्थर रोट्टी बण जावै, ताके तू इननै खा सकै।"
4 यीशु नै जवाब दिया: "पवित्र ग्रन्थ म्ह लिख्या सै,
‘माणस सिर्फ रोट्टी तै ए न्ही, पर परमेसवर के हरेक वचन तै जो उसनै मान्नै सै, जिन्दा रह्वैगा।’"
7 यीशु नै उसतै कह्या, "यो भी पवित्र ग्रन्थ म्ह लिख्या सै, के ‘तू अपणे प्रभु परमेसवर नै ना परखै।’"
10 फेर यीशु उसतै बोल्या, "हे शैतान दूर हो ज्या, पवित्र ग्रन्थ म्ह लिख्या सै: तू प्रभु अपणे परमेसवर की भगति कर, अर सिर्फ उस्से की सेवा करया कर।"
11 फेर शैतान उसकै धोरै तै चल्या ग्या, अर देखो, सुर्गदूत आणकै उसकी सेवा करण लाग्गे।
यीशु के जरिये सेवा करण की शरुआत
(मरकुस 1:14,15; लूका 4:14-15,31)