मत्ती 4

सबतै पैहले चेल्यां का बुलाया जाणा

18 गलील परदेस म्ह गलील समुन्दर कै किनारे घूमदे होए उसनै दो भाईयाँ ताहीं शमौन जो पतरस कुह्वावै सै, अर उसके भाई अन्द्रियास ताहीं समुन्दर म्ह जाळ गेरते देख्या, क्यूँके वे मछवारे थे। 19 यीशु नै उनतै कह्या, "मेरै पाच्छै आओ, मै थमनै माणसां ताहीं कठ्ठे करण आळे बणाऊँगा ताके वो मेरे चेल्‍लें बणे।" 20 वे जिब्बे जाळां नै छोड़कै उसके चेल्‍लें बणण खात्तर उसकै पाच्छै हो लिये।

21 ओड़ तै आग्गै चालकै, यीशु नै दो और भाईयाँ ताहीं यानी जब्दी के बेट्टे याकूब अर उसकै भाई यूहन्‍ना ताहीं देख्या। वे अपणे पिता जब्दी कै गैल किस्ती पै अपणे जाळां ताहीं ठीक करै थे। यीशु नै उन ताहीं भी बुला लिया। 22 वे जिब्बे किस्ती अर अपणे पिता नै छोड़कै उसके चेल्‍लें बणण खात्तर उसकै पाच्छै हो लिये।