रोमियों 12:17-21

17 बुराई कै बदले किसे तै बुराई ना करो, जो बात सारे माणसां कै लोवै आच्छी सै, उनकी फिक्र करया करो। 18 जित्त ताहीं हो सकै, थम पूरे मन तै सारे माणसां कै गेल्या मेळ-मिलाप राक्खो। 19 हे प्यारे बिश्वासी भाईयो, बदला ना लियो, पर परमेसवर ताहीं बदला लेण का मौक्‍का द्यो, क्यूँके पवित्र ग्रन्थ म्ह लिख्या सै, "बदला लेणा मेरा काम सै, प्रभु कहवै सै मै ए बदला ल्यूँगा।" 20 पर वचन यो भी कहवै "जै तेरा बैरी भूक्खा हो तो उस ताहीं खाणा खुवा, जै तिसाया हो तो उस ताहीं पाणी पिला, क्यूँके तेरे इसा करण तै वो खुद शर्मिन्दा हो जावैगा।" 21 बुराई तै ना जीत हासिल करो, पर भलाई तै बुराई नै जीत ल्यो।